Onte, 24 de febreiro, o Comité de Mar de Lumes do Morrazo convidou Fayez Badawi a unha nova palestra sobre a situación da Palestina e, en xeral, do Oriente Próximo, nun acto baixo o título «Palestina. Unha ollada ao conflito».
O compañeiro Fayez, representante na Europa da Frente Popular para a Liberación da Palestina (FPLP) explicou de novo a orixe do conflito en 1947, coa decisión das Nacións Unidas de criar da nada un «estado xudeu» en territorio árabe e repasou a longa lista de crimes e barbarie que desde aquel momento ten impulsado o racismo sionista, obrigando millóns e palestinianos e palestinianas a fuxiren a campos de refuxiados na Siria e no Líbano.